Inicio » Publicaciones con la etiqueta '4º E. Primaria 1718'
Archivo de la etiqueta: 4º E. Primaria 1718
1 – 2 – 3 ORTOGRAFÍA OUTRA VEZ
Dende hai dous cursos o Dpto. de Lingua en colaboración con titores e o Equipo PLAMBE está a desenvolver o Desafío Ortográfico, un programa de mellora da ortografía para os nosos alumnos.
En 4º de Primaria fixémolo a través do xogo «1 – 2 – 3 ORTOGRAFÍA OTRA VEZ» baseado no célebre programa de TV dos anos oitenta, con probas de dominio de normas ortográficas, azafat@s e incluso «tacañóns» e «tacañonas»
Todos os meses do curso practicamos varias veces e pasándolo moi ben ao mesmo tempo que aprendemos. Xa somos uns expertos! Aquí tedes algunha foto para que vexades en que consiste.
Saída á Perguiza – 4º E. Primaria
O pasado 27 de abril os alumnos de 4º de Primaria fixemos unha saída ata o Camiño da Perguiza para facer un repaso do que estudamos en Ciencias Naturais e Sociais.
Ao tratarse dun Ecosistema de Auga Doce poidemos ver a flora e fauna características desta contorna e comprobar aspectos que aprendimos sobre a hidrosfera e o curso dun río.
Recollemos diferentes tipos de mostras como algas, fentos, follas, fungos… posteriormente fixemos unha clasificación no laboratorio do colexio e analizamos as características máis importantes.
Agora queremos compartir con vós algunhas fotos para que vexades en que consistiu.
Visita a Roberto Verino
Os alumnos/as de 4º de EP estamos estudando en Sociais as actividades económicas. Para afondar neste tema, fixemos unha visita á fabrica de Roberto Verino para ver de preto o traballo no sector industrial.
Foi unha mañá moi interesante e aprendemos moito dos diferentes procesos de elaboración dun produto; neste caso, a roupa dun deseñador tan relevante.
Os profesores/as e alumnos/as estamos moi agradecidos pola acollida e atención durante as súas horas de traballo.
Aquí vos deixamos algunhas imaxes do día.
María Canosa – Premio Merlín 2017
A semana pasada os alumnos/as de 4º de Primaria tivemos unha visita moi especial: a escritora María Canosa, gañadora do PREMIO MERLÍN DE LITERATURA INFANTIL 2017 . Nós lemos ese libro tan especial que é MURIEL e tivemos a sorte de poder falar e debatir con ela sobre moitas cousas: a historia, as personaxes, o gran reto de escribir un libro… Foi un encontro moi interesante e divertido que agora queremos compartir con vós.
Preme na foto para ver máis.
4º de E. Primaria no Laboratorio
Estes días estivemos estudando varios aspectos do corpo humano, entre eles os cinco sentidos, tema sobre o cal fixemos unha práctica no laboratorio.
Tapáronnos os ollos e tivemos que clasificar diversos tipos de sons, tocar obxectos para diferenciar texturas e temperaturas, olfactear varias cousas (non sempre agradables) e ademáis probar algúns alimentos para distinguir sabores. Soamente nos deixaron mirar cando traballamos sobre o sentido da vista…
Resultou moi divertido. Aquí podedes ver algunhas fotos…preme na foto
Práctica de Laboratorio – 4º E. Primaria
O obxectivo fundamental dos traballos prácticos é fomentar un ensino máis activo, participativo e individualizado, onde se impulse o método científico e o espírito crítico. Deste xeito favorécese ao alumnado: desenvolver habilidades, aprender técnicas elementais e familiarízarse co manexo de instrumentos e aparellos.
A realización de traballos prácticos permite poñer en crises o pensamento espontáneo do alumno, ao aumentar a motivación e a comprensión respecto dos conceptos e procedementos científicos.
Os rapaces e rapazas de 4º de Primaria estivemos estudando en Ciencias Naturais todo o relativo ás plantas; para completar todo o que sabiamos fomos ao laboratorio a facer prácticas sobre a xerminación, sementamos grelos, cenorias, leitugas… e ademáis tamén diseccionamos unha flor para aprender ben todas as súas partes.
Podedes ver aquí as fotos dese día. Preme para ver máis.